ഷൈലജയ്ക്ക് പെരുമ്പുഴ തണല്‍ ചികിത്സാധനസഹായം കൈമാറി
അര്‍ബുദരോഗബാധിതയായ കൊല്ലം ജില്ലയിലെ പെരുമ്പുഴ, പുനുക്കന്നൂര്‍, ഷൈലജ മന്ദിരം, അയ്യപ്പന്‍റെ ഭാര്യ ഷൈലജയ്ക്ക് വേണ്ടി പെരുമ്പുഴ തണല്‍ ചാരിറ്റബിള്‍ സൊസൈറ്റി സമാഹരിച്ച ചികിത്സാധനസഹായം കേരള അസിസ്റ്റന്റ്‌ മോട്ടോര്‍ വെഹിക്കിള്‍സ് ഇന്‍സ്പെക്ടര്‍ അസോസിയേഷന്‍ ജെനറല്‍ സെക്രെട്ടറി ശ്രീ. സുനില്‍ കുമാര്‍, ശൈലജയുടെ വസതിയില്‍ വച്ച് സഹോദരന്‍ വിനോദിന് കൈമാറി.
വായില്‍ അര്‍ബുദം രോഗം ബാധിച്ചു നാവു മുറിച്ച ഷൈലജ കഴിഞ്ഞ ആറു മാസമായി തിരുവനന്തപുരം ആര്‍.സി.സി. യില്‍ ചികിത്സ നടത്തിക്കൊണ്ടിരിക്കുകയാണ്. നാവു മുറിച്ചതും അസുഖം മൂലവും ട്യൂബില്‍ കൂടിയാണ് ഇപ്പോള്‍ ഷൈലജ ആഹാരം കഴിക്കുന്നത്‌. തുച്ഛമായ വരുമാനം കൊണ്ട് ചികിത്സയ്ക്കും, നിത്യചിലവിനും വക കണ്ടെത്താനാകാതെ വിഷമിക്കുന്ന ഈ കുടുംബത്തിന്‍റെ ഏക പ്രതീക്ഷ ഇനി കനിവാര്‍ന്ന കരങ്ങളുടെ സഹായം മാത്രമാണ് . ശൈലജയെ സഹായിക്കാന്‍ മനസ്സുള്ളവര്‍ക്ക് സഹോദരന്‍ വിനോദിനെ 8606479647 നമ്പരില്‍ ബന്ധപ്പെടാവുന്നതാണ്.
No comments